CLV.

1336, April 26. Wartha.

Derselbe erneuert dem Stifte die von seinen Vorfahren ertheilten Privilegien mit namentlicher Anführung des Dörfchens Haag.

In nomine domini amen. Quoniam principum generositatem condecet subditos ita regere, ut cultus divinus augeatur et persone ecclesiastice nullum dampnum in suis libertatibus patiantur; hinc nos Bolco, dei gratia dux Slesie et dominus de Furstenberg et Monsterberg, ad notitiam presentium, et ad memoriam deferimus futurorum, quod meritis venerabilis religionis fratrum de Camencz favorabiliter inclinati omnia eorum privilegia, cuiuscunque tenoris continentia ab illustribus ducibus, parentibus et predecessoribus nostris ipsis concessa et donata, innovamus, approbamus, ratificamus et presentis scripti patrocinio confirmamus. Et preterea villulam Hack monasterii predicti cum suis appendenciis sitam inter Geresdorff et Wartham, iuxta fluvium Nisse, cum tota utilitate, cum supremo et inferiori iudicio, cum silvis et cum fundo, quod vulgariter, "der Bodem" dicitur, cum portione agri dicti Oberschar in monte prope stratam cum omnibus ortis ac libera taberna brasiandi et braxandi, in qua ab exordio capelle in Wartha semper licuit, quemcumque potum cuiuscunque urbis propter adventum peregrinorum propinari et quemcunque panem pinsere et vendere. Inde nos ex innata nobis pietate ob singularem laudem gloriosissime viginis Marie ac consolationem peregrinorum monasterio Camencz eandem villam cum omnibus libertatibus predictis asscribimus, approbamus, ratificamus et presentis scripti patrocinio in perpetuum possidendum confirmamus. Ut autem hec nostre confirmationis donatio robur perpetuum obtineat, sigilli nostri appensione fecimus communire. Testes huius sunt domini et fideles nostri: Reinharth de Bischoffheym, Joannes Budaw, Petczko de Milkowitz, Pacusch de Lubyn, Hancko de Eychhorn et Petrus curie nostre notarius. Datum in Wartha anno domini millesimo CC°C trecesimo sexto, sexto Kalendas Maii.

Fälschung des ausgehenden 15. oder des beginnenden 16. Jahrhunderts in zwei, von verschiedenen Händen geschriebenen Ausfertigungen. An rothgrünen Seidenschnüren (bei beiden), nur noch an der einen das (kleine Helm-) Siegel des Herzogs vorhanden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.